ﻋﺸــر ﺧطــــوﺍﺕ ﻋﻤﻠﻴــــة
ﻟﺘﺨﻔﻴف ﺻدﻣـﺔ ﻧﺘﻴﺠﺔ ﺍﻟﺸﻬﺎﺩة ﺍﻟﺴوﺩﺍﻧية :
 

 


1- ﺃﻗﻨﻊ ﻧﻔﺴك ﺇﻧك ﻋﺎيد عايد

2- ﺃﺳﺎﻝ ﺍﻟﻨﺎﺱ ﺍﻟﻤﺘوﻗﻌﻴن ﻣﻨك نتيجة سمحة ﻭﻗوﻝ ﻟﻴﻬم : ﻳﺎ جماعة ﺃﺣﺴن مدرسة ﺃﻋﻴد ﻓﻴﻬﺎ ﻭﻳن ؟ ﻋﺸﺎﻥ يسألوك : ﻣﻌﻘوﻝ ؟!! ﻭﺗﻘوﻡ ﺗﻜب ﺍﻟﺤﻨك (ﻛﻨت ﻋﻴﺎﻥ .. ﻭﺍﻟﻠﻪ... - ﺩﻗﺴت ﻓﻲ ﺳؤﺍﻝ .. ﺣﺼﻠت ﻟﻲ ظرﻭﻑ .. إلخ )

3- أﻋﻤل ﻓﻴﻬﺎ ﺍﻧك ﺫﺍﺗك ﻣﻨذﻫل ﻣن النتيجة ﻭﻗوﻝ : ﻭﺍﻟﻠﻪ ﺃﻧﺎ ﺍﻧﻈﻠﻤﺖ ﻓﻲ ﺍﻟﻤﺎﺩة ﺩﻱ .. ﻳﺎ ﺟﻤﺎﻋﻪ ﻟﻮ ﻋﺎﻭﺯ ﺍﺭﺍﺟﻊ أﻭﺭﺍﻗﻲ ﺍﺭﺍﺟﻌها ﻛﻴﻒ؟ ﻭﺍﻋﻤﻞ ﻓﻴﻬﺎ ﺣﺰﻳﻦ

4- ﻟﻮ ﺳﺄﻟﻚ ﻭﺍﺣﺪ شمَّار ﻣﻦ النتيجة ﻣﺎ تزعل ﻭﺗﺮﻛﺐ ﻭﺵ ﻛﺮﺗﻮﻥ ، ﺑﺲ ﻗﻮﻝ ﺑﻜﻝ ﺑﺴﺎﻃﻪ : ﻧﺘﻴﺠﻪ ﺷﻨﻮ ؟ ﺃﻧﺎ ﻣــﺎ ﺳﺄﻟﺖ ﻣﻨﻬﺎ ، لأﻧﻲ أﺻﻼً ﻋﺎيد ﻋايد

5- ﻓﻲ ﺍﻟﺒﻴﺖ ﺃﻋﻤﻞ ﻓﻴﻬﺎ ﺇﻧﻚ ﻣﺼﺪﻭﻡ ﺃﻛﺘﺮ ﻣﻨﻬﻢ ، ﻭﺃُﻛﻞ ﺑﺎﻟﺪﺱ ﻣﻦ ﺗﺤﺖ ﺍﻟﻤﻼﻳﻪ ﻭﺧﺖ ﻗﺪﺍﻣﻚ ﺣﺒﻮﺏ ﺻﺪﺍﻉ

6- ﺃﻗﻌﺪ ﻣﻊ ﺍﻟﻨﺎﺱ (ﺍﻟﻌﺎﺭﻓﻴﻨﻚ ﺍﺻﻼ ﻣﺎ ﺑﺘﺠﻴﺐ ﺍﻱ حاجة) ﺃﻛﻴﺪ ﺑﺼﺒﺮﻭﻙ ﻭﻳﻘﻮﻟﻮﺍ ﻟﻴﻚ : ﻳﺎﺯﻭﻝ ﻋﺎﺍﺍﺍﺩﻱ ﺑﺲ ﺷﺪ ﺣﻴﻠﻚ ﺍﻟﻤﺮﻩ ﺍﻟﺠﺎﻳﻪ .. ﻭﺍﻧﺖ ﻃﻮﺍﻟﻲ ﺩﻧﻘـﺮ ﺭﺃﺳﻚ حبة ، وأرفعو فجأة بشهامة ﻭﻗـﻮﻝ ﻟﻴﻬﻢ : ﺇﻥ ﺷﺎﺀ ﺍﻟﻠﻪ ﺍﻟﻤﺮة ﺍﻟﺠﺎﻳة .. ما أقل من 95%

7- ﻓﺘﺶ ﻟﻠﻤﻤﺘﺤﻨﻴﻦ (ﺍﻟلي ظﻠﻤﺘﻬﻢ ﺍﻟﻮﺯﺍﺭة ﻣﻌﺎﻙ) ﻭﺍﻋﻤﻠﻮﺍ مجموعة (ﺍﻟﻤضطهدين) وسجلوها في منظمة العون الإنساني

8- ﻗـﻮﻝ ﻟﻨﻔﺴﻚ : (ﺍﻟﻤﻮﺿﻮﻉ ما ﺧﻄﻴﺮ) ﻭﺣﻚ ﺭﺃﺳﻚ

9- ﺃﻋﻤﻞ ﻓﻴﻬﺎ ﺍﻧﻚ ﻣﺆﻣﻦ ﺑﺎﻟﻤﺒﺪﺃ ﺍﻟلي بقول : (ﺍﻟﻔﺸﻞ ﺃﻭﻝ ﺧﻄﻮة ﻟﻠﻨﺠﺎﺡ)

10- ﺧﻠﻴﻚ ﺟﺎﺩﻱ ﻭﺟﻬﺰ ﻧﻔﺴﻚ للسنة الجاية ﻭﺣﺪﺩ ﻧﻘﺎﻁ ﺿﻌﻔﻚ ﻣﻦ ﻫﺴﻲ ، ﺑﻼ ﻓﻴﺲ ﺑﻼ ﻛﻼﻡ ﻓﺎﺿﻲ ﻣﻌﺎﻙ

وأهم حاجة اتذكر أنو ده امتحان الدنيا ، ولسة عندك فرصة تعيد ، لكن امتحان الآخرة فرصتو وحدة وما فيهو إعادة ، واللي بسقط فيهو بخسر حياتو ونفسو وأهلو وبكون من أهل جهنم وبئس المصير